Microsoft 16-yanvar, seshanba kungi savdolar chog‘ida biroz vaqt kapitallashuvi bo‘yicha 700 milliard dollar marrasidan o‘tdi va bu ko‘rsatkichga erishgan AQShdagi uchinchi kompaniya bo‘ldi. Bu haqda “Interfaks” xabar bermoqda.
Sessiya boshlanishida kompaniya aksiyalari 1,3 foizga — 90,79 dollargacha ko‘tarildi.
Muomaladagi aksiyalar sonini (7,715 milliard) inobatga olganda, bu 700,41 milliard dollar miqdoridagi kapitallashuvga to‘g‘ri keladi.
Hozirda dunyodagi atigi ikki kompaniya — Apple (912 milliard dollar) va Alphabet (Google bosh kompaniyasi, 793 milliard dollar) Microsoft’dan qimmatroq turadi.
Izoh (0)