Bugun,

  • USD 11095.31
  • RUB 173.84
  • EUR 10772.44

Prezident Farmoniga muvofiq e’lon qilingan qo‘shimcha dam olish kunlari barcha xodimlarga (xususan, 6 kunliklarga ham) taalluqli, shanbadan ko‘chirilgan dam olish kunlari esa faqat 5 kunlik ish haftasida ishlovchi xodimlarga aloqador. Bu haqda huquqshunos Xushnudbek Xudayberdiyev Facebook’dagi sahifasida ma’lum qildi.

Foto: Facebook / Xushnudbek Xudayberdiyev

Foto: Facebook / Xushnudbek Xudayberdiyev

“Dam olish kunlari haqidagi Prezident Farmoni bo‘yicha eng ko‘p berilayotgan savolga ilmim yetganicha javob berib o‘tmoqchiman. Ya’ni bu dam olish kunlari 6 kunlik ish haftasida faoliyat olib boruvchilarga ham qo‘llanadimi, deb so‘rashmoqda.

Javobi: qo‘shimcha dam olish kunlari barcha xodimlarga (xususan, 6 kunliklarga ham) taalluqli, shanbadan ko‘chirilgan dam olish kunlari esa faqat 5 kunlik ish haftasida ishlovchi xodimlarga aloqador.

Yangi yil arafasidagi dam olish kunlari misolida buni tushuntirishga harakat qilaman.

Haftasiga 5 kun ishlovchi xodimlarga quyidagi kunlar dam olish kuni hisoblanadi:1) 30-dekabr – shanba;2) 31-dekabr – yakshanba;3) 1-yanvar – Yangi yil bayrami;4) 2-yanvar – qo‘shimcha dam olish kuni;5) 3-yanvar – ko‘chirilgan dam olish kuni.Izoh: 6-yanvar, shanba kuni haftasiga 5 kun ishlovchilar uchun rasman ish kuni bo‘ladi.

Haftasiga 6 kun ishlovchi xodimlar uchun quyidagi kunlar dam olish kuni hisoblanadi:1) 31-dekabr – yakshanba;2) 1-yanvar – Yangi yil bayrami;3) 2-yanvar – qo‘shimcha dam olish kuni”, — deb yozdi bloger.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi