Fotogalereya: Dunyoning eng badavlat insonlari tushlikka nima tanovul qiladi?

AdMe zamonamizning eng mashhur kishilari tushlikka nima tanovul qilishlari haqida ma’lumot to‘plab taqdim etdi.

Bill Geyts

Sayyoraning eng badavlat kishisi — amerikancha fastfudning haqiqiy ixlosmandi: Geytsning har kunlik tushligidan chizburger yoki bigmak hamda Coca-cola o‘rin olgan.

Madonna

Ushbu xonanda o‘zining ajoyib qomatini vegetariancha taomlar va intensiv kardiomashg‘ulotlar yordamida “ushlab” keladi. Madonna hatto shirinliklar o‘rniga karam va zanjabil choyini ma’qul ko‘radi.

Stiven King

“Qo‘rqinchli asarlar qiroli” bo‘lmish Stiven King nonushtaga go‘sht va kartoshka yeyishni yaxshi ko‘radi. Tushlikdan so‘ng bir finjon qahva bilan chizkeyk tanovul qilib, ishga sho‘ng‘iydi.

Juliya Roberts

Eng chiroyli tabassum egasining fikricha, ovqatning foydaliligi uning kaloriyasida emas, balki uning natijasida vujudga keladigan hissiyotlarda. Shu sababli aktrisa kechalari shokoladli pechenye va vino ichishni ma’qul ko‘radi.

Barak Obama

AQShning sobiq prezidenti uy sharoitida brokkoli qo‘shib pishirilgan losos balig‘i hamda ko‘k choyni ma’qul ko‘radi. Ammo restoranlarga borganida jon deb chizburger bilan kartoshka fri buyurtma beradi.

Arnold Shvarsenegger

Arnold 70 yoshdan oshganiga qaramay hamon o‘zining dietasiga amal qilib keladi: uning ratsionidan oqsil, yog‘ va uglevodlar o‘rin olgan.

Opra Uinfri

Amerika televideniyesining “tumori” — Opraning tushligi o‘zgarmagan: sho‘rva va salat.

Devid Bekxem

Bekxem futboldagi faoliyatini yakunlaganiga qaramay uning ovqatlanishdagi tartib-qoidalari hamon o‘zgarmagan: ko‘p miqdorda oqsil, yog‘siz ovqat va enegriya uchun murakkab uglevodlar.

Maykl Felps

Suzish boyicha 26 karra jahon chempioni Mayk kuniga 12 ming kilokaloriyali yegulik iste’mol qiladi.