Amerikalik erkak jarimani bir necha ming bir sentlik tanga bilan to‘lashga urindi

Amerikaning Missisipi shtati Jekson shahri fuqarosi jarimani bir sentlik tangalar bilan to‘lashga urindi. Bu haqda Mlive nashri xabar bermoqda.

2016-yilda Brayan Makgonigal hovlisida uyib qo‘yilgan chiqindi va metallolom uchun 270 dollar jarimaga tortildi. Bundan g‘azablangan erkak kredit uyushmasiga yo‘l olib, 27 dollarni 2 700 ta bir sentlik tangaga almashtirdi va ularni birinchi badal tariqasida meriyaga keltirdi.

“Ataylab shunday yo‘l tutdim. Ularning o‘zlari kabi maydagap bo‘lishga qaror qildim”, — deydi u.

Shahar g‘aznachisi Rendi Vrojek pullarni olishdan bosh tortdi. U Makgonigalga shahar hokimiyati tangalarni sanab chiqishga majbur emasligini ma’lum qilib, ularni bank o‘ramlariga o‘rab chiqishni talab qildi.

Makgonigal uning talabini rad etdi va meriyaga yana o‘n marta tashrif buyurdi. Har safar meriyaga yana bir necha mingta tanga olib kelishda davom etdi. U shahar kengashida uning badalini qabul qilishlarini talab qilib chiqish qildi. Erkak zarurat yuzaga kelsa, sudga murojaat qilishga tayyor.

AQShda bir sentlik tangalar 50 tadan taxlanib, maxsus qog‘ozga o‘raladi. O‘ramni aksariyat banklardan tekin olish mumkin.