Tayms-skverda kishilarni urib ketgan haydovchi ularni o‘ldirish istagida bo‘lganini tan oldi

Nyu-Yorkdagi Tayms-skverda katta tezlikda kishilarni urib ketgan haydovchi ularning barchasini o‘ldirish istagi bo‘lganini tan oldi. Bu haqda Associated Press ma’lum qildi.

Agentlikka ko‘ra, 26 yoshli Richard Roxas politsiyaga mashinaga o‘tirishdan avval narkotiklar qabul qilganini ma’lum qildi. Shuningdek, erkak politsiyachilar uni to‘xtatish uchun otib tashlamaganidan nolidi.

Toksikologik tahlil natijalari olinganicha yo‘q, biroq haydovchini qo‘lga olgan politsiyachilar o‘sha paytda erkak oyoqda zo‘rg‘a turgani, ko‘zlari muz kabi bo‘lgani va poyintar-soyintar gapirganini ta’kidlamoqda.