Fotoreportaj: Tashqi ishlar vazirligi va diplomatik korpus vakillari “Motamsaro ona” haykali poyiga gul qo‘ydi

9-may — Xotira va qadrlash kuni tushdan so‘ng O‘zbekiston Tashqi ishlar vazirligi va O‘zbekistondagi diplomatik korpus, elchixonalar va hamkor tashkilotlarning vakillari Toshkentdagi “Motamsaro ona” haykali poyiga gul qo‘ydi.

Tadbirda O‘zbekiston Tashqi ishlar vaziri Abdulaziz Komilov ham ishtirok etib, Ikkinchi jahon urushi davrida qurbon bo‘lgan o‘zbeklar xotirasiga hurmat bajo keltirdi.

Shundan keyin gul qo‘yish istagida bo‘lgan idoralar, poytaxt mehmonlari va mahalliy aholi ham maydonga yog‘ilib kela boshladi.