Bugun,

  • USD 11095.31
  • RUB 173.84
  • EUR 10772.44

Britaniyalik taniqli xonanda Sting (haqiqiy ismi Gordon Metyu Tomas Samner) Nyu-Yorkdagi Gudzon sohili yaqinida joylashgan hashamatli kvartirasini sotuvga qo‘ydi. Ikki qavatli pentxausning narxi, taxminan, 56 million dollarni tashkil qilmoqda. Bu haqda The Wall Street Journal nashriga tayanib, xabar beradi “TASS”.

Foto: EPA

Foto: EPA

Sting va uning turmush o‘rtog‘i Trudi Stayler Markaziy xiyobon yaqinidani kvartirani 2008-yili xarid qilgandi. Taniqli juftlik 16 va 17-qavatdagi kvartira uchun 27 million dollar sarflagan edi.

WSJ ma’lumotiga ko‘ra, maydoni 500 kvadrat metr kvartira 65 yoshli Stingning katta oilasiga torlik qilayotgani uchun xonadonni sotib, boshqa joyga ko‘chishga qaror qilindi. Sting 6 farzandning otasi hamda 4 nevaraning buvasi sanaladi.

40 yildan oshiq musiqiy faoliyati davomida Sting 100 dan ortiq sovrinlarga ega chiqqan. Ular orasida 16 ta Grammy, 25 ta American Music Awards va 1 ta MTV Music Awards mukofotlari, “Keyt va Leo” filmidagi qo‘shiq uchun “Oltin Globus” sovrini bor.

Sting “Film uchun eng yaxshi qo‘shiq” nominatsiyasida uch marta “Oskar” mukofotiga nomzodlik qilgan. Xonanda Gollivuddagi “Shon-sharaf xiyoboni”da o‘z yulduziga ega.

Izoh
Asosiy yangiliklar
Mahalliy
Toshkentda 12 yoshli qizning murdasi zo‘rlik va qotillik alomatlari bilan topildi
Mahalliy
Andijondagi zapravkada navbatsiz kirishga uringan haydovchi bir necha IIB xodimlari tomonidan ushlandi (video)
Iqtisodiyot
O‘zbekistonda narxlarning o‘sishi sur’ati yanvar oyida pasaya boshladi