Pekin va Pxenyan munosabatlari Shimoliy Koreya yadro dasturini to‘xtatmagunicha avvalgi darajada tiklanmaydi. Bu haqda Xitoyning “Xuansyu shibao” nashri ma’lum qildi, deya xabar beradi “TASS”.
“KXDR yadro dasturi Xitoyning milliy manfaatlarini xavf ostiga qo‘ydi va Shimoli—sharqiy Osiyoda tinchlik-barqarorlikka rahna soldi. Pxenyan tomonidan yadroviy qurollanishni to‘xtatish Pekinning mintaqadagi siyosatining asosiy yo‘nalishiga aylandi”, — deyiladi maqolada.
Gazetaning mazkur maqolasi Koreya markaziy telegraf agentligining o‘tgan haftadagi materialiga javob bo‘ldi. Unda Xitoy “AQSh nog‘orasiga o‘ynashda” ayblangan va yangi sanksiyalarga qo‘shilgan taqdirda, Pekin KXDR bilan munosabatlardagi “falokatli oqibatlarga tayyorlanishi” lozimligi bildirilgan.
Nashrga ko‘ra, bu kabi materiallar va KXDR tomonidan ko‘riladigan choralardan qat’iy nazar, Pekinning munosabati o‘zgarishsiz qoladi: Shimoliy Koreya oltinchi yadro sinovini o‘tkazsa, Xitoy BMT yanada keskin sanksiyalar, jumladan, neft yetkazib berilishiga embargo joriy etilishini qo‘llab-quvvatlaydi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)