Chempionlar ligasining amaldagi finalchisi “Atletiko” “Barselona” va “Real” kabi chorak finalga chiqdi

Ispaniyaning “Atletiko” klubi Yevropa Chempionlar ligasi g‘olibligi uchun kurashni davom ettiradi.

Chorak final yo‘lida Germaniyaning “Bayer” klubiga raqib bo‘lgan madridliklar javob o‘yinida 0:0 hisobiga rozi bo‘ldi. Tomonlarning Leverkuzenda o‘tgan birinchi to‘qnashuvi “Atletiko”ning 4:2 hisobidagi g‘alabasi bilan yakuniga yetgandi.

Mazkur natijadan keyin Ispaniya klublari chorak finalda eng ko‘pni tashkil qildi: “Barselona”, “Real Madrid” va “Atletiko”. Germaniyada bu raqam 2 ta: “Bavariya” va “Borussiya Dortmund”. Angliya, Italiya hamda Fransiyadan esa 1 tadan klub chorak finalga yetib keldi: “Lester”, “Yuventus” hamda “Monako”.

Yevropa Chempionlar ligasi 1/8 final 15-mart, chorshanba

“Atletiko” — “Bayer” 0:0