FQBning o‘ta maxfiy bo‘limi AQShdagi saylovlarga Rossiyaning ta’sirini o‘rganishni boshladi

Federal qidiruv byurosi (FQB)ning o‘ta maxfiy bo‘limiga Rossiyaning AQShdagi prezidentlik saylovlariga ehtimoliy aralashuvini tekshirish topshirildi. Bu haqda “Kommersant.ru” xabar bermoqda.

CNN telekanali manbalariga ko‘ra, gap byuroning o‘ta maxfiy kontrrazvedka bo‘limi haqida bormoqda.

Mazkur bo‘lim vazifalari qatoriga AQSh razvedka hamjamiyati sirlari, shuningdek, mahalliy korxonalarning ilg‘or texnologiyalari himoyasi kiradi. 

Shuningdek, bo‘lim ommaviy qirg‘in qurollari AQSh dushmanlari qo‘liga tushishining oldini olish, xorijiy josuslar faoliyatiga qarshi turish bilan ham shug‘ullanadi.

Rossiyaning AQShdagi prezidentlik saylovlariga ehtimoliy aralashuvini tekshirish bilan 15—20 kishi band ekanligi bildirilmoqda. 

“Daryo”ning Telegram’dagi rasmiy kanali — @toshqindaryo’ga a’zo bo‘ling!