Rossiyaning Food city agroklasterida doimiy faoliyat olib boradigan “O‘zbekiston” pavilyoni ochildi

Rossiyaning yirik ulgurji-chakana oziq-ovqat markazi — Food city agroklasterida doimiy faoliyat olib boradigan “O‘zbekiston” pavilyonining rasmiy ochilishi bo‘lib o‘tdi. Bu haqda UzReport xabar bermoqda. 

Pavilyon O‘zbekistondan yangi va qayta ishlangan meva-sabzavotlar, oziq-ovqat mahsulotlarini Rossiya bozoriga markazlashgan holda yetkazish va keyinchalik taqsimlash uchun mo‘ljallangan. Rossiyaning ulgurji savdo bilan shug‘ullanuvchi “O‘zeksport” xalqaro savdo agentligi va “O‘z-Global Treyd” kompaniyasi bo‘linmaning asosiy ish yurituvchilari hisoblanadi.

Ma’lumot uchun, hozirda Food city agroklasterida 8 davlat va Rossiyaning 14 mintaqasi pavilyonlari faoliyat ko‘rsatmoqda.