IShID terrorchilik guruhi Yevropaning bir qator davlatlarida teraktlar uyushtirishni rejalashtirgan. Bu haqda 28-noyabr, dushanba kuni The Times gazetasi ma’lum qildi, deb yozadi “TASS”.
Nashr jangarilar Suriyaning Manbij shahridan chekinayotganda G‘arb koalitsiyasi tomonidan qo‘lga kiritilgan, general Rupert Jonsning ma’lumotlariga tayanmoqda.
Nashrning eslatishicha, maxsus xizmatlar o‘tgan hafta Fransiyada teraktning oldini olishga erishgan. Avvalroq Fransiyada 20-noyabrga o‘tar kechasi besh nafar ekstremist qo‘lga olinganligi haqida ma’lum qilingan edi. Ularning yonidan o‘qotar qurol topilgan.
“Butun dunyo bo‘yicha hujumlarga tayyorgarlik ko‘rilganligini ko‘rsatuvchi ko‘p sonli axborotlar, hujjatlar va elektron materiallar mavjud. Ularning ustida ish olib borilmoqda”, — dedi amerikalik harbiy rahbar.
Jons jangarilarning Mosuldagi tayanchi qulagandan so‘ng ularning yanada ko‘proq rejalari qo‘lga kiritilishiga ishonch bildirdi. Xalqaro koalitsiya bahorda Mosulni terrorchilardan ozod qilishni rejalashtirmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)