Doston Ubaydullayev: Konsert berganimda onam yonimda bo‘lsalaru, ularga guldasta bersam, degan armonim bor edi. Orzuim ushaldi

Xonanda Doston Ubaydullayev Instagram’dagi sahifasi orqali ushalgan orzularidan biri haqida xabar yozib qoldirdi.

“Mening onam o‘tib ketganlariga qariyb 23 yil bo‘ldi, Alloh rahmatiga olgan bo‘lsin. Konsert bersam, onam yonimda bo‘lsalaru, ularga bir guldasta bersam, degan armonim bor edi”, — deb yozadi Doston Ubaydullayev.

“Bugun do‘stim Ulug‘bek Rahmatullayev menga bu imkoniyatni berdi: do‘stimning onasiga gul berdim va orzuim ushaldi; do‘stimning onasi mening ham onam emasmi?! Katta rahmat, xursand bo‘ldim”, — deya qo‘shimcha qildi xonanda.

Ma’lumot uchun, Toshkentdagi “Istiqlol” san’at saroyida 9—13-noyabr kunlari xonanda Ulug‘bek Rahmatullayevning “Qirmizi olma” nomli konsert dasturi bo‘lib o‘tmoqda.

• Xonanda Ulug‘bek Rahmatullayevning “Qirmizi olma” nomli konsertidan fotoreportaj

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.