Grizmann La Liganing 2015/16-yilgi mavsumidagi eng yaxshi futbolchisi bo‘ldi, Messi – eng yaxshi hujumchi

“Atletiko” hujumchisi Antuan Grizmann Ispaniya chempionatining 2015/16-yilgi mavsumidagi eng yaxshi futbolchisi deb topildi. “Barselona” yetakchisi Lionel Messi La Ligada o‘tgan mavsumning eng yaxshi hujumchisi bo‘ldi, deb xabar bermoqda “Sports.ru”.

Quyida turli yo‘nalishlarda g‘oliblikni qo‘lga kiritgan futbolchilar nomi keltirilgan. Ular orasidan “Real” forvardi Krishtianu Ronaldu joy olmagan.

Eng yaxshi yangi futbolchi: Marko Asensio (“Real” / “Espanyol”);

Eng yaxshi darvozabon: Yan Oblak (“Atletiko”);

Eng yaxshi himoyachi: Diyego Godin (“Atletiko”);

Eng yaxshi murabbiy: Diyego Simeone (“Atletiko”);

Eng yaxshi yarim himoyachi: Luka Modrich (“Real”);

Eng yaxshi xorijlik futbolchi: Luis Suares (“Barselona”);

Eng yaxshi hujumchi: Lionel Messi (“Barselona”);

Eng yaxshi futbolchi: Antuan Grizmann (“Atletiko”);

Muxlislar tanlovi: Antuan Grizmann (“Atletiko”).