Oliy Liga. “Lokomotiv” Buxoroda mag‘lub bo‘ldi, “Bunyodkor” Navoiyda ochko yo‘qotdi

Futbol bo‘yicha O‘zbekiston Oliy Ligasining 26-turida ikki peshqadam ochko yo‘qotdi. “Bunyodkor” Navoiyda “Qizilqum” bilan durang o‘ynagan bo‘lsa, “Lokomotiv” “Buxoro” maydonida imkoniyatni boy berdi.

26-turdan keyin chempionlik uchun kurash olib borayotgan “Lokomotiv” va “Bunyodkor” o‘rtasidagi ochkolar farqi endi 4 tani tashkil qilmoqda. “Bunyodkor”dan 4 ochko kamroq jamg‘argan Qarshining “Nasaf” klubi mazkur turda “Navbahor” darvozasiga javobsiz 6 ta gol urdi. Bellashuvda Ognen Krasich 2 ta gol urdi va 2 ta golli uzatma berdi. Boshqa bir legioner Dragan Cheran ham dubl qayd etdi. Moskvaning “Dinamo” klubi qiziqish bildirgan Igor Golban 1 ta gol urdi.

Oliy Ligada jon saqlab qolish uchun kurash olib borayotgan “Qo‘qon—1912” klubi o‘z maydonida viloyatdoshi “Neftchi”ni mag‘lub etib, ahvolini biroz yaxshilab oldi.

Oliy Liga 26-turidan joy olgan so‘nggi uchrashuv yana ikki kundan keyin Toshkentda o‘tib, unda “Obod” Muborakning “Mash’al” klubini qabul qiladi.

O‘zbekiston Oliy Ligasi 26-tur bellashuvlari 22-oktabr, shanba

“Andijon” — “Metallurg” 0:0

“Qo‘qon—1912” — “Neftchi” 2:1

Gollar: Sherzod Hakimov, 41 (0:1). Ibrohim Rahimov, 51 (1:1). Jalil Kimsanov, 54 (2:1).

“Olmaliq” — “Sho‘rtan” 3:0

Gollar: Otabek Valijonov, 2 (1:0). Mo‘ydin Mamazulunov, 51 (2:0). Arslonmurod Omonov, 66 (3:0).

“Paxtakor” — “So‘g‘diyona” 3:0

Gollar: Adnan Oraxovats, 45+2 (1:0). Azim Ahmedov, 51 (2:0). Jamshid Boltaboyev, 58 (3:0).

“Buxoro” — “Lokomotiv” 2:1

Gollar: Vadim Chemirtan, 4 (1:0). Temurxo‘ja Abduxoliqov, 12 (1:1). Salamat Qutiboyev, 44 (2:1).

“Nasaf” — “Navbahor” 6:0

Gollar: Igor Golban, 11 (1:0). Ognen Krasich, 29 (2:0). Dragan Cheran, 35 (3:0). Shahboz Erkinov, 45-pen (4:0). Dragan Cheran, 71 (5:0). Ognen Krasich, 87 (6:0).

“Qizilqum” — “Bunyodkor” 0:0

24-oktabr, dushanba“Obod” — “Mash’al”