Xitoyda “Nepartak” to‘foni qurbonlari soni 83 kishiga yetdi

Xitoyga yopirilgan “Nepartak” to‘foni oqibatida Futszyan provinsiyasida halok bo‘lganlar soni 83 kishiga yetdi, yana 19 kishi bedarak yo‘qoldi. Bu haqda “Sinxua” agentligiga tayanib, “TASS” xabar bermoqda.

Avvalroq qurbonlar soni 69 kishini tashkil etgani ma’lum qilingandi. 9-iyul kuni Xitoyning materik qismidan “Nepartak” to‘fonining o‘tishi oqibatida olti shahar suv ostida qoldi, 506,7 ming aholi evakuatsiya qilindi. 10 mingga yaqin uy-joy butunlay yoki qisman vayron bo‘ldi.

Tabiiy ofatning mamlakat iqtisodiyotiga yetkazgan zarari 1,5 milliard dollarni tashkil qildi. Qariyb 20 ming gektar ekin maydoni suv bilan yuvib ketildi. 233 muassasaning faoliyati to‘xtatildi.