Checheniston muftiyati yangi Oy chiqmagani bois Hayit bayramini bir kunga qoldirdi

Checheniston muftiyati Ramazon Hayiti nishonlanishini yangi Oy ko‘rinmagani bois 6-iyulga qoldirdi. Bu haqda “Gazeta.ru” xabar bermoqda.

“Ramazon oyi 5-iyul oqshomida tugaydi, bu degani, Ro‘za Hayitining birinchi kuni chorshanbaga (6-iyul) to‘g‘ri keladi. Bayramni ko‘chirish osmonda yangi Oy chiqmagani bilan bog‘liq. Bu Ramazon oyining boshi va oxirini aniqlashning asosiy shartlaridan biridir”, — deb yangilikka izoh berdi Checheniston musulmonlari diniy boshqarmasi vakili.

Chechenistondan tashqari, Dog‘iston va Adigeyada ham bayram bir kunga kechiktirildi.