Argentinalik futbolchi, “Barselona” hujumchisi Lionel Messi nima sababdan Amerika Kubogi finalidagi mag‘lubiyatdan so‘ng terma jamoani tark etishga qaror qilganini tushuntirib berdi. Bu haqda “Gazeta.ru” xabar qilmoqda.
“Hozir vaziyatni tahlil qilish vaqti emas, bu og‘ir. Men bu milliy terma jamoadagi oxirgi o‘yinim deb o‘yladim, bu men uchun emas, deb o‘yladim. Hozir o‘zimni shunday his etyapman. Men qattiq tushkunlikdaman, penaltini ura olmadim, u juda muhim edi”, — dedi u.
“Men to‘rtta finalda o‘ynadim, lekin taqdir emas ekan. Men bor kuchim bilan Argentinani chempion qilishga urindim. Lekin bu amalga oshmadi. Uddalay olmadim. O‘ylashimcha, bu hammaga yaxshi, menga ham, buni istayotganlargayam. Qaror qabul qilindi. Ko‘p urindim, ammo o‘xshamadi”, — qo‘shimcha qildi futbolchi.
Izoh (0)