Yevropa Chempiotida chorak finalning ikkichi ishtirokchisi nomi ma’lum bo‘ldi. Britaniya derbisida Shimoliy Irlandiyaga qarshi kurash olib borgan Uels Garet Makaulining o‘z darvozasiga kiritib qo‘ygan goli sabab musobaqadagi ishtirokini davom ettiradigan bo‘ldi.
Uchrashuvning 75-daqiqasiga kelib Garet Beyl to‘pni chap qanotdan jarima maydonchasi ichiga uzatdi. Uning irlandiyalik adashi Makauli esa xavfni bartaraf etish chog‘ida avtogol muallifiga aylandi.
O‘tkazib yuborilgan golga Shimoliy Irlandiya terma jamoasi uchrashuv yakuniga qadar javob qaytara olmadi va musobaqa bilan xayrlashdi. Mazkur jamoa o‘zining Yevropa Chempionatlaridagi ilk ishtirokida guruh bosqichini muvaffaqiyatli bosib o‘ta oldi.
Uelsga qadar Polsha terma jamoasi Yevro—2016 ning chorak finaliga yo‘llanma olgandi.
[wpse_match id="368871" show_title=1]
Izoh (0)