Toshkentdagi “O‘zekspomarkaz”da IX Innovatsion g‘oyalar, texnologiyalar va loyihalar respublika yarmarkasi boshlandi. Bu haqda O‘zA xabar bermoqda.
Anjuman iqtisodiyot, tashqi iqtisodiy aloqalar, investitsiyalar va savdo vazirliklari, Vazirlar Mahkamasi huzuridagi fan va texnologiyalarni rivojlantirishni muvofiqlashtirish qo‘mitasi hamda Fanlar akademiyasi tomonidan tashkil etildi.
Innovatsion g‘oyalar, texnologiyalar va loyihalar respublika yarmarkasida namoyish etilayotgan yangiliklarning 130 tasi sanoat, 116 tasi qishloq xo‘jaligi sohasidagi dolzarb vazifalarni hal etishga qaratilgani, 130 dan ziyod ishlanma va ilg‘or texnologiyalar sog‘liqni saqlash va farmatsevtika uchun mo‘ljallangani, 89 tasi axborot texnologiyalari, yana 34 tasi ilm-fan va ta’lim sohasidagi yangi dasturiy mahsulotlar ekani bildirildi.
Bundan tashqari, “O‘zbektelekom” aksiyadorlik kompaniyasining “Toshkent shahar telefon tarmoqlari” filiali rejim binolaridan raqamli foydalanish tizimini, Uzmobile filiali harakatlanadigan obyektlarning GPS monitoringi tizimini, Olive Telecom qo‘shma korxonasi yangi mobil telefon, Axborot xavfsizligini ta’minlash markazi maxfiy axborotni oshkor bo‘lishdan himoya qilish tizimi, Uzinfocom kompyuter va axborot texnologiyalarini rivojlantirish hamda joriy etish markazi “uRadio.uz” birinchi ta’lim onlayn radiosini namoyish etdi.
Izoh (0)