Yaponiya harbiy kemasi Xitoy ta’sirini tiyish uchun Filippinga keldi

Yaponiya harbiy kemasi uch kunlik tashrif bilan Filippinga, Luson orolidagi Subik-Bey ko‘rfaziga keldi. Bundan ko‘zda tutilgan maqsad Janubi-Xitoy dengizida Xitoy harbiy ta’sirini kuchayishiga yo‘l qo‘ymaslik ekanligi bildirilmoqda, deya xabar beradi “RIA Novosti”.

Yaponiya mudofaa kuchlarining “Ise” vertolyot tashuvchisi Filippinga Sumatradagi (Indoneziya) mintaqaviy mashg‘ulotlardan so‘ng yetib kelgan. Uning bortida AQSh va Janubi-Sharqiy Osiyo davlatlari assotsiatsiyasi zobitlari bor. Mazkur tashrifdan so‘ng “Ise” Bruney va Singapurga yo‘l oladi.