O‘zbekistonlik tennischi Sabina Sharipova Xitoyning Shenchjen shahrida davom etayotgan, mukofot jamg‘armasi 50 ming dollarga teng ITF turkumidagi tennis turnirining final bosqichiga chiqa olmadi.
Xalqaro tennis federatsiyasi rasmiy saytining ma’lum qilishicha, yarim finalda O‘zbekiston vakili yaponiyalik Mayo Xibiga qarshi kortga chiqdi. Bir soat 27 daqiqa davom etgan bellashuvda 6:3, 6:0 hisobi qayd etilib, yaponiyalik tennischining foydasiga hal bo‘ldi.
Qiyos uchun, Sabina Sharipova WTA reytingida 210, Mayo Xibi esa 184-o‘rinni egallab kelmoqda.
Eslatib o‘tamiz, birinchi davrada 21 yoshli o‘zbekistonlik tennischi xitoylik Lin Chjuni 6:3, 6:4, ikkinchi davrada Jing-Jing Luni 6:1, 6:3, chorak finalda esa Chang Lyuni 6:1, 7:5 hisobida mag‘lubiyatga uchratgan edi.
Izoh (0)