AQShning Stenford universiteti aspiranti Ed King foydalanuvchi AQSh prezidenti Barak Obamani istalgan jumlani talaffuz qilishga majbur qiluvchi Talk Obama To Me saytini yaratdi. Bu haqda “Hi-Tech Mail.ru” xabar beradi.

Saytga kirganda foydalanuvchiga maxsus oynachaga istalgan jumlani kiritish taklif etiladi. So‘zlarni rus tilida kiritib bo‘lmaydi, ingliz tilida soddaroq jumlalar tuzgan ma’qul.

Talk tugmasi bosilgandan keyin Obamaning turli chiqishlariga asoslangan videojamlanma aks etadi. Bunda har bir so‘z uchun alohida lavha namoyish etiladi. Shu tarzda butun jumla paydo bo‘ladi.

Agar dasturga mavjud bo‘lmagan so‘zlar yoki turli ismlar (hatto “Vladimir Putin”) kiritilsa, u har bir harfga alohida ishlov beradi va gap “uzuq-yuluq” bo‘lib eshitiladi.

Loyiha yaratuvchisi tizim “o‘ldirish” yoki “tahdid qilish” kabi shubhali so‘zlarni chetlab o‘tishini oldindan o‘ylab chiqqan. Shuning uchun Obama bu kabi jumlalarni tuzmaydi.