Termiz shahrida 25-fevral kuni havo harorati +30,1 darajagacha, Samarqand shahrida esa +25,7 darajagacha ko‘tarildi, deya xabar bermoqda “O‘zgidromet” markazi.
Termizdagi qayd etilgan ko‘rsatkich meteorologik kuzatuvlarning 25-fevral tarixi bo‘yicha 1963-yilgi rekord (+27,7)ni yangilagan bo‘lsa, Samarqandda 53 yil avvalgi rekord (+25,7) takrorlandi.
2016-yilning yanvar—fevral oylari davomida Termizda 24-yanvar, 23-fevral va 25-fevral kunlari, Samarqandda esa 20-yanvar, 7-fevral va 25–fevral kunlari havo haroratining iliqligi bo‘yicha yangi rekordlar o‘rnatilgan edi.
Bundan tashqari, 2016-yilning 25-fevrali Toshkent shahri tarixida fevralning eng issiq kuni bo‘lgani haqida ham xabar berilgan edi.
