Havo haroratining iliqligi bo‘yicha Samarqandda 1967-yilgi, Nukusda 1983-yilgi rekord urildi

Samarqand shahrida hamda Qoraqalpog‘iston Respublikasi ma’muriy markazi Nukusda yanvar oyida havo haroratining iliqligi bo‘yicha navbatdagi rekordlar urildi. Bu haqda “O‘zgidromet” axborot berdi.

Ma’lumotlarga ko‘ra, Samarqand shahrida 20-yanvar kuni kunduzi havo harorati +20 darajaga yetgan. Bu barcha kuzatuvlarning 20-yanvar tarixi bo‘yicha Samarqandda 1967-yil 20-yanvarida o‘rnatilgan rekord harorat — +16,8 dan 3,2 daraja yuqoridir.

Nukus shahrida 20-yanvar kuni havo harorati +12,7 darajagacha ko‘tarilgan. Nukusda 20-yanvardagi bundan avvalgi rekord iliq harorati 1983-yili o‘rnatilgan edi — o‘shanda havo harorati kunduzi Selsiy bo‘yicha -10,3 darajani qayd etgan.

Avvalroq, Nukusdagi iliq havo 1986-yilgi rekordni urgani haqida xabar berilgan edi.

• Yanvarda bahor: O‘zbekistondagi noodatiy iliq havo daraxt va gullarni uyg‘otmoqda