Davlat dumasi echki Timurning deputatlikka “da’vo qilishi”ga izoh berdi

Rossiya Davlat dumasi Primorye safari bog‘idagi echki Timurning deputatlikka “da’vo qilishi” yuzasidan izoh berdi. Avvalroq safari bog‘i direktori Dmitriy Mezensov yuqoridagi tashabbus bilan chiqqan edi. Bu haqda “Gazeta.ru” xabar beradi.

“Biz deputat sifatida odamlar uchun qonun ishlab chiqarish ustida ishlaymiz. Agar janob Mezensov bizni echki bilan taqqoslasa, buni bog‘ direktorining tarbiyasidan ko‘rish mumkin”, — deydi Davlat dumasi ishini tashkil etish qo‘mitasi rais o‘rinbosari Aleksandr Kurdyumov.

U Mezensov Timurni nega o‘z shahrining meri yoki ijroya hukumati bilan taqqoslamaganligiga qiziqdi va safari bog‘i direktori “go‘yoki barchasi uchun aybdor”, “Rossiyada eng ko‘p haqorat qilinadigan kishilar”ni tanlaganligini ta’kidladi.

Uning so‘zlariga qaraganda, echkini Davlat dumasi bilan taqqoslash yaxshi emas va beadablik hisoblanadi.