Hasim Rahmon: Chagayev ham Lyuisga o‘xshab kaltak yeydi

O‘tmishning mashhur bokschilaridan biri Hasim Rahmon Chagayev — Braun jangida avstraliyalik bokschining qo‘li baland kelishini aytib o‘tdi, deb xabar beradi “Olamsport”.

“Fikrimcha, Lukas 5-mart kungi jangda Chagayevni mag‘lubiyatga uchratadi. Shu sababli uni hozirdanoq tabriklab qo‘ysam ham bo‘ladi.

Men Lukas bilan faxrlanaman. Uning menga o‘xshab kuchli zarbasi bor. Men Lennoks Lyuisni qay tarzda kaltaklagan bo‘lsam, Braun ham Chagayevni shu ahvolga soladi”, — deydi sobiq chempion.

Eslatib o‘tamiz, Ruslan Chagayev va Lukas Braun o‘rtasidagi jang 2016-yil 5-mart kuni Grozniyda o‘tkaziladi. Jang g‘olibi Fres Okendoga qarshi ringga chiqadi.