Bugun,

  • USD 10940.05
  • RUB 182.26
  • EUR 11121.65

Jorj Xots 2007-yili, 17 yoshida Apple’ning faqat AT&T bilan shartnoma asosida sotilgan birinchi smartfonini istalgan boshqa tarmoqda ham ishlashga majbur etganidan so‘ng tanilgandi. 2010-yili u PlayStation 3 qurilmasiga buzib kirish yo‘lini topdi, xakerlik joniga tekkanida esa sun’iy intellekt bilan qiziqib qoldi, deya hikoya qiladi Meduza.

Foto: Redmond Pie

Foto: Redmond Pie

Bu sohadagi eng zamonaviy tadqiqotlarni ortiqcha qiyinchiliksiz o‘zlashtirgan Xots haydovchisiz avtomobil yaratishga qaror qildi. Buning uchun shaxsiy avtomobili — Acura ILX tajriba modeli bo‘lib xizmat qildi. Oktabrda Xots navbatdagi ish joyidan bo‘shab, Honda avtosaloniga ishga kirdi. Shu tariqa “Akura”ning barcha hujjatlari bilan tanishish imkoniga ega bo‘ldi. Mashinani turli sensor va elektronika bilan to‘ldirib tashladi: bardachokka kompyuterni joyladi, uzatish qutisi o‘rniga joystik, markaziy panelga esa 21,5 dyuymli ekran o‘rnatdi. Bularning barchasi uchun 50 ming dollar sarfladi, bundan 30 ming avtomobil xarid qilishga ketdi.

Oradan bir oy o‘tgandan so‘ng Xots takomillashtirilgan avtomobilni Bloomberg jurnalistlariga namoyish etdi. Bu paytga kelib Jorj bir necha kameralar, GPS qabul qilgichlar, radar va skotch yordamida mashinaning markaziy tarmoqlariga ulanishga muvaffaq bo‘ldi va uni yo‘llarda haydovchisiz yurishga o‘rgatdi. Tabiiyki, gap xayveylar haqida ketmoqda, shaharning tiqilinch yo‘llarida yurishga Xotsning texnologiyasi moslashtirilmagan.

Kelajakda u mazkur texnologiyasini qimmat bo‘lmagan videokameralar va avtomobilni boshqaradigan dasturiy ta’minotdan iborat paket ko‘rinishida sotishni rejalashtirgan. Paket narxini 1000 dollar baholagan Jorj mahsulotini avtomobil ishlab chiqaruvchilarga ham, foydalanuvchilarga ham sotishni ko‘zlamoqda.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak