Livan shimolida xudkush terrorchi portlash sodir etdi, qurbonlar bor

Livanda xudkush terrorchi o‘z uyida portlovchi qurilmani harakatga keltirdi, qurbonlar va yaralanganlar bor. Bu haqda “RIA Novosti” xabar bermoqda.

Hodisa mamlakat shimolida, terrorchining uyiga harbiylar bostirib kirganida sodir bo‘ldi. Shifokorlar va xavfsizlik sohasidagi manba ma’lumotlariga ko‘ra, halok bo‘lganlar orasida terrorchining o‘zi va oilasi a’zolari bor. Kamida olti kishi, shu jumladan, harbiy xizmatchilar jarohatlangan.