Bugun,

  • USD 11014.01
  • RUB 191.8
  • EUR 10674.78

Yevropa Ittifoqining besh mamlakati — Fransiya, Germaniya, Italiya, Ispaniya va Buyuk Britaniya, shuningdek, AQSh BMT loyihasi asosida tuzilgan Liviya milliy birdamlik hukumatini qo‘llab-quvvatlashini bildirdi. Reuters’ning ushbu davlatlar hukumatlari qo‘shma bayonotiga asoslanib xabar berishicha, Liviyadagi mazkur tuzumga qarshilar ajratib qo‘yiladi.

Foto: Reuters

Foto: Reuters

Olti davlat hukumatlari barcha liviyaliklar, shuningdek, siyosiy partiyalarni mazkur kelishuvni qo‘llab-quvvatlashga chaqirdi. “Milliy birdamlik hukumatini shakllantirishda sustkashlikka yo‘l qo‘yish Liviya fuqarolariga qo‘shimcha qiyinchiliklar keltirib chiqaradi, ayni vaqtda, mamlakatdagi betartiblikdan foydalanib qolishga urinayotgan terrorchilar foydasiga ishlaydi”, — deyiladi bayonotda.

Qayd etilishicha, xalqaro hamjamiyat “Liviyada tinchlik va barqarorlikni qayta tiklash bo‘yicha mashaqqatli yo‘lni” bosib o‘tishi kerak bo‘lgan yangi hukumatni qo‘llaydi. Bayonot matnida, shuningdek, mamlakatga qurol faqatgina hukumat so‘roviga asosan olib kirilishi mumkinligi ko‘rsatib o‘tilgan.

BMT maxsus vakili Bernardino Leon Liviya milliy birdamlik hukumatiga Fayoz Sarraj rahbarlik qilishini 9-oktabr kuni ma’lum qilgandi. Ahmad Meytig, Fatxi Mejbariy va Musa al-Kuniy esa bosh vazir o‘rinbosarlari sifatida ishlaydi. Hukumat mazkur tarkibda bir yilgacha faoliyat olib boradi.

22-sentabr kuni Leon Tripoli (mamlakat g‘arbida) va Tobruk (sharqda) o‘rtasidagi tinchlik kelishuvining yakuniy matni tayyorlanganini ma’lum qilgandi — ushbu shaharlarda ikki turli Liviya hukumati faoliyat olib borayotgandi. Matn nizolashayotgan tomonlarga taqdim etildi. BMT maxsus vakili 18-sentabr kuni Liviyadagi asosiy qarama-qarshi kuchlarni yagona parlament tuzishga ko‘ndira olganini e’lon qilgandi.

Liviyadagi parchalanish 2011-yili — mamlakat yetakchisi Muammar Kaddafi ag‘darib tashlanib, o‘ldirilganidan so‘ng boshlangan edi. Liviya ikki lagerga bo‘lindi, qabilalarning birlashmalari, qurollangan guruhlar, diniy aqidaparastlarning nazorati ostidagi alohida tumanlar esa amalda mustaqilligicha qolmoqda.

Izoh
Asosiy yangiliklar
Sport
Fransiyaning bir nechta shaharlari JCH—2022 ga boykot e’lon qildi
Dunyo
Lukashenko: “Biz Ukrainadagi maxsus operatsiyada qatnashyapmiz, lekin hech kimni o‘ldirmayapmiz”
Mahalliy
O‘zbekistonda dollarning rasmiy kursi ko‘tarildi