Amerikalik fermer dalasidan noyob mamont qoldiqlarini topib oldi

Michiganlik (AQSh) fermer Jeyms Bristl o‘rtoqlari bilan bug‘doy dalasida drenaj quvuri uchun zovur qaziyotganida bir metr keladigan suyak topib oldi. Bu haqda “Korrespondent.net” xabar bermoqda.

Bristl Michigan universiteti qoshidagi paleontologiya muzeyiga qo‘ng‘iroq qildi. Dalaga yetib kelgan muzey xodimlari fermer junli va Kolumbiya mamontlarining noyob gibridi suyaklarini topib olganini aniqladi.

Universitet professori va talabalar ishtirok etgan qazish ishlari davomida 11—15 ming yil avval 40 yoshida halok bo‘lgani taxmin qilinayotgan mamont suyaklarining 20 foizi, jumladan, dandon tishli bosh suyagi topilgan.

AQSh qonunlariga ko‘ra, yer sohibi topilmalarga egalik qilish huquqiga ega, shu bois suyaklar Bristlga qarashli ferma qoshidagi do‘konda turibdi.