9-sentabr kuni taqdim etiladigan iPhone 6s’da foydalanuvchi ma’lumotlarini saqlash uchun eng kichik xotira taxminan 16 gigabaytni tashkil qiladi, deya xabar bermoqda “ZDNet.com”.
Bunday gap-so‘zlar tarqalishiga internetda smartfonning go‘yoki original o‘rami yorlig‘ining paydo bo‘lishi sabab bo‘ldi, unda modelning nomi “iPhone 6s” (hali rasman namoyish etilmagan yangi qurilma shunday deb nomlanishi taxmin qilinmoqda) deb, hajmi esa “16GB” deb ko‘rsatilgan.
Fotosurat rasman tasdiqlangani ham rad etilgani ham yo‘q. Maqola muallifi smartfon yorlig‘i qalbaki bo‘lishi mumkinligini ham istisno qilmadi.
Izoh (0)