Xitoyliklar 57 qavatli osmono‘par binoni 19 kunda qurib bitkazdi (video)

Xitoyning Broad Sustainable Building Co. qurilish kompaniyasi mamlakatning markaziy tumanida 57 qavatli osmono‘par binoni bor-yo‘g‘i 19 ish kunida qurib bitkazdi, deya xabar bermoqda Associated Press.

Po‘lat va shishali to‘rtburchak konstruksiya Xunan provinsiyasining Chansha okrugida qad rostladi. Imoratni solishda ishchilar modul usulidan foydalandi, natijada ular bir kunda biryo‘la uchta qavatni ko‘tarish imkoniyatiga ega bo‘ldi.

Ma’lum qilinishicha, osmono‘par bino uchun 2736 ta modulni tayyorlashga qurilish boshlangunicha to‘rt oydan ziyod vaqt ketgan. Birinchi 20 ta qavat qurilishi o‘tgan yili tugallangan, qolgan 37 tasi 2015-yil fevralida solingan.

Mini Sky City deb nomlangan binodagi turar-joy va ofis xonalari may oyidan sotila boshlaydi.