Toshkent shahrida 15-maydan boshlab issiq va sovuq suv, shuningdek markaziy isitish tizimi uchun yangi tariflar kuchga kiradi. Bu haqda “Toshissiqquvvati” va “Suvsoz” kompaniyalariga tayanib “Gazeta.uz” xabar berdi.
Foto: gazeta.uz
Poytaxtda markaziy isitish uchun bir oylik tarif narxi turar joyning bir kvadrat metri uchun hozirgi 844,67 so‘mdan 941,14 so‘mgacha oshadi. Shuningdek, korxona va tashkilotlar uchun ham issiqlik energiyasininh ulgurji tarifi oshadi.
Issiq suv uchun yangi tarif hisoblagich bo‘lmagan taqdirda kishi boshiga 11777,69 so‘mni (hozir 10570,54 so‘m), hisoblagich bilan esa bir kubometr uchun 3015,87 so‘mni (hozir 2706,76 so‘m) tashkil etadi. Sovuq suv uchun yangi tariflar ham yaqin kunlarda ma’lum bo‘ladi.
Kommunal xizmatlar uchun tariflar so‘nggi marta o‘tgan yilning oktabr oyida oshgan edi. Qayd etilishicha, ko‘p yillardan buyon kommunal xizmatlar narxlari har yili 1-aprel va 1-oktabrdan oshirilgan.
