Nazarboyev O‘zbekiston bilan o‘tkazish punktlari to‘g‘risidagi bitimga o‘zgartirishlar kiritishni tasdiqladi

Qozog‘iston prezidenti Nursulton Nazarboyev O‘zbekiston va Qozog‘iston hukumatlari o‘rtasida 2006-yil 4-sentabrda tuzilgan Qozog‘iston-O‘zbekiston davlat chegaralari orqali o‘tish punktlari haqidagi bitim protokoliga o‘zgartirish va qo‘shimchalar kiritish to‘g‘risidagi protokolni ratifikatsiya qildi, deb yozadi “Newskaz.ru”.

Protokoldan maqsad qozoq-o‘zbek o‘tkazish punktlari ro‘yxatiga Maktaaral stansiyasini qo‘shishdan iborat. Ushbu punkt Sirdaryo suv havzasi hududidan o‘zbek temir yo‘l uchastkasi tranziti bilan qozoq yuklari olib chiqilishini ta’minlaydi.