AQShning The National Interest nashri dunyo tarixida barcha davrlar bo‘yicha eng qudratli bo‘lgan yettita davlat reytingini e’lon qildi. E’tiborlisi, ushbu ro‘yxatdan Bobur imperiyasi (Boburiylar davlati) ham o‘rin olgan.
Toj Mahal. Foto: Wikipedia
Yettinchi o‘rinda Rim imperiyasi, oltinchi o‘rinda Rim tanazzuliga sababchi bo‘lgan ko‘chmanchilar − xunlar, germanlar va vikinglar davlatlari (yaxlit bo‘lmasa-da), oltinchi o‘rinda mo‘g‘ullarning Oltin O‘rda davlati ko‘rsatilgan.
To‘rtinchi o‘ringa loyiq topilgan Bobur imperiyasiga esa quyidagicha ta’rif berilgan: “Hukmdori Chingizxon avlodidanligi aytilsa-da, mogollar − mo‘g‘ullar emas. Markaziy Osiyodan kelib, Hindiston subkontinentini egallagan hukmdor Bobur tomonidan asos solingan ushbu davlat XVII−XVIII asrlarda Yevropa va Osiyo o‘rtasidagi maydoni bir million kvadrat milga teng bo‘lgan hududni egallagan. Uning aholisi hozirgi qudratli davlatlarning istalgan birinikidan ko‘p bo‘lgan”.
Uchinchi o‘rinda Britaniya imperiyasi, ikkinchi o‘rinda AQSh, birinchi o‘rinda esa Kanada qayd etilgan. Kanada tanlanganiga sabab sifatida ushbu davlatda aholining turmush darajasi yuqoriligi, NATOga a’zoligi, eng yirik bozorlardan biri bo‘lmish AQSh bilan chegaradoshligi va eng asosiysi kelajak uchun yaxshi imkoniyatlarga egaligi ko‘rsatilgan.
