Futzal bo‘yicha Latviyaga qarshi o‘tgan uchrashuv O‘zbekiston g‘alabasi bilan yakunlandi

Latviya va O‘zbekiston futzal milliy terma jamoalari o‘rtasida ilk o‘rtoqlik uchrashuvi bo‘lib o‘tdi, deb xabar beradi “Stadion.uz”.

Poytaxt Riga shahridan 42 km uzoqlikda joylashgan Yelgava shaharchasidagi Zemgales Olimpiskais сentrs arenasida o‘tkazilgan o‘yinda Bahodir Ahmedov shogirdlari 4:2 hisobida zafar quchdi.

O‘zbekiston terma jamoasi tarkibida Davron Choriyev dublga erishgan bo‘lsa, Konstantin Sviridov va Farhod Abdumavlonov bittadan golga mualliflik qildi.

Latviya — O‘zbekiston: 2:4 (1:1)

Gollar: Dmitrius Yakovlevs 18, Oskars Ikstens 35 — Konstantin Sviridov 15, Farhod Abdumavlonov 23, Davron Choriyev 34, 40

Ogohlantirishlar: Igors Dachko 29 — Farhod Abdumavlonov 28, Artur Yunusov 37