Hozirda iOS operatsion tizimining sakkizinchi versiyasi 56 foiz Apple qurilmalarida o‘rnatilgan

17-sentabr kuni foydalanishga topshirilgan iOS operatsion tizimining sakkizinchi versiyasi bugungi kunda 56 foiz Apple qurilmalarida o‘rnatilgan. Bu haqda Phonearena.com ma’lumotiga asoslanib “Parol” nashri xabar berdi.

Ikki oy ichida bunday natija Apple uchun katta yutuq hisoblanadi. Shu bilan birga taxminan 40 foiz Apple mobil qurilmalarida iOS 7 operatsion tizimi o‘rnatilgan bo‘lsa, iOS’ning eski versiyalaridan foydalanilayotgan qurilmalar miqdori juda kichik foizni ko‘rsatmoqda.

Balki iOS 8.0.1 versiyasidagi muammolar uchramaganda, ushbu operatsion tizimning yangi versiyasi bundan ham tezroq ommalashishi mumkin edi. Biroq, aytish mumkinki, iOS 8 operatsion tizimiga o‘tish shiddat bilan davom etmoqda.

Shuningdek, “Parol” nashrida quyidagi maqolalarni ham o‘qishingiz mumkin:

• Nokia kompaniyasi boshqa telefon ishlab chiqarmaydi;
• Smartfonda surat olganingiz zahoti uni qog‘ozda chiqarib beradigan g‘ilof xohlaysizmi?;
• Joriy yilning uchinchi choragidagi eng yaxshi Android smartfonlar o‘nligi e’lon qilindi.