Ukrainada qochoqlar soni 420 ming kishiga yetdi

18-oktabr holatiga ko‘ra, Ukrainada mamlakat ichida ko‘chirilgan aholining umumiy soni 420 ming kishini tashkil etadi, deya xabar bermoqda Korrespondent.net favqulodda holatlar bo‘yicha Ukraina davlat xizmatiga tayanib.

“Lugansk viloyati hududida vaqtinchalik ko‘chirib o‘tkazilganlar (28 812 kishi)ni hisobga olganda, mamlakat ichida boshqa joyga o‘tkazilganlar soni 419 630 kishiga tengdir”, — deyiladi xabarda.

Tezkor ma’lumotlarga ko‘ra, Qrim Avtonom Respublikasi va Sevastopol shahridan boshqa hududlarga ko‘chirilgan Ukraina fuqarolari 18 800 kishidan iborat. Bular orasida 5287 kishi bolalar bo‘lsa, 1337 kishi nogironlar va keksalardir.

Aksilterrorchilik operatsiyalari o‘tkazilgan tumanlarda ko‘chirib o‘tkazilganlar soni esa 37 218 taga teng.