Belorussiya prezidenti Aleksandr Lukashenko G‘arb uning hozirda o‘n yoshda bo‘lgan kichik o‘g‘liga qarshi hamda hattoki qora ro‘yxat tuzilgan paytda hayotdan ko‘z yumib bo‘lgan ba’zi amaldorlarga qarshi sanksiyalar kiritganini aytdi. Bu haqda “RIA Novosti” xabar berdi.
Lukashenkoning uch o‘g‘li bor, eng kenjasi 2004-yilda tug‘ilgan. “Mamlakatga kirishni taqiqlab qo‘yishdi. Nima uchun? Hattoki o‘g‘limga ham! U saylovlarda qatnashmagan-ku, — dedi Lukashenko 17-oktabr kuni Minskda bo‘lib o‘tgan matbuot anjumanida.
Shuningdek Belorussiya prezidenti qora ro‘yxatga vafot etgan ba’zi kishilar ham kiritilganini qayd etdi.
Avvalroq Lukashenko G‘arb uni yoqtirmasligini, chunki u siyosatni “toza qo‘llar bilan” yuritishni istashini aytgan edi. “Amerikaliklarga Sasha Turchinov (Ukraina Oliy radasi spikeri) yoki Poroshenko kabilar kerak”, — deya qo‘shimcha qilgan edi u.
Izoh (0)