Toshkent—Farg‘ona va Toshkent—Andijon reyslari narxi arzonlashtirildi

“O‘zbekiston havo yo‘llari” milliy aviakompaniyasi Toshkentdan Farg‘ona va Andijon hamda teskari yo‘nalishda reklama tariflarini joriy etdi. Bu haqda kompaniyaning matbuot xizmati xabariga asoslanib “Kun” ma’lum qildi.

Ko‘rsatilgan shaharlar bo‘yicha reyslarning bir tomonlama chiptalari 2014-yilning 18-iyunidan 25-oktabriga qadar 25 yevrodan sotiladi.

O‘zbekiston rezidentlari chipta haqini Markaziy bankning parvozni rasmiylashtirish kunidagi kursi asosida milliy valyuta – so‘mda to‘lashadi.

Gazeta.uz’ning yozishicha, hozirgi vaqtga qadar reklama tariflari Samarqand (bir tomonga – 16 yevro) va Navoiy (bir tomonga – 27 yevro) yo‘nalishlari bo‘yicha ham joriy etilgan edi.