Toshkentning yo‘l-patrul xizmati xodimlari mototsiklda harakatlanish uchun maxsus forma bilan ta’minlangan bo‘lishi mumkin. Bunga Facebook’dagi “Voditeli Tashkenta” (“Toshkent haydovchilari”) guruhiga joylangan fotosurat guvohlik bermoqda.
Unda “YPX” yozuvi tushirilgan mototsikl yonida boshdan-oyoq charm kiyimlarga burkangan va xavfsizlik shlemini ushlab turgan militsiya xodimini ko‘rish mumkin. Charm kurtka yelkasida pogon va militsiya belgisi bor.Ushbu forma chindan ham mototsiklda harakatlanuvchi militsionerlarga berilishi haqida rasmiy ma’lumot yo‘q. Bu haqda O‘zbekiston Ichki ishlar vazirligi rasmiy bayonot bermagan.Bundan avval internet tarmog‘ida mototsikl minib yurgan Toshkent militsionerlari aks etgan suratlar tarqalib ketgan edi. Ularda odatiy formadagi militsionerning transport vositasini maxsus shlemsiz boshqarayotganini ko‘rish mumkin.