25-mart kuni Londonda taqdim etilgan HTC One M8 smartfonining tilla korpusdagi talqini chiqariladi, deya xabar berdi mail.ru.
Tayvanning HTC kompaniyasi yangi telefonni BAAning Dubay shahrida ham namoyish etdi. Taqdimot chog‘ida kompaniya vakillari keyinroq sotuvda smartfonning oltindan ishlangan korpusdagi versiyasi ham paydo bo‘lishini ma’lum qildi.HTC One M8’ning maxsus talqini ba’zi bozorlardagina savdoga chiqariladi. Uning chiqarilish sanasi va narxi hozircha noma’lum.
Ta’kidlash joiz, o‘tgan yilgi HTC One ham tilla korpusda sotuvga chiqarilgan edi.
Eslatib o‘tamiz, yangi HTC One M8 smartfoni 5 dyuymli ekran va yap-yangi Snapdragon 801 protsessoriga ega. Avvalgi versiyadagi silliqlangan metal korpus saqlanib qoldi. Biroq undan farqli ravishda, yangi HTC One qirralari yanada aylanaroq ko‘rinish oldi.