ҲТC Оне М8 олтиндан ишланган корпусда чиқарилади

25 март куни Лондонда тақдим этилган HTC One M8 смартфонининг тилла корпусдаги талқини чиқарилади, дея хабар берди mail.ru.

Тайваннинг HTC компанияси янги телефонни БААнинг Дубай шаҳрида ҳам намойиш этди. Тақдимот чоғида компания вакиллари кейинроқ сотувда смартфоннинг олтиндан ишланган корпусдаги версияси ҳам пайдо бўлишини маълум қилди.

HTC One M8’нинг махсус талқини баъзи бозорлардагина савдога чиқарилади. Унинг чиқарилиш санаси ва нархи ҳозирча номаълум.

Таъкидлаш жоиз, ўтган йилги HTC One ҳам тилла корпусда сотувга чиқарилган эди.

Эслатиб ўтамиз, янги HTC One M8 смартфони 5 дюймли экран ва яп-янги Snapdragon 801 процессорига эга. Аввалги версиядаги силлиқланган метал корпус сақланиб қолди. Бироқ ундан фарқли равишда, янги HTC One қирралари янада айланароқ кўриниш олди.