Ўзбекистон ҳудудига 8—11 декабрь кунлари совуқ ҳаво массалари кириб келиши кутилмоқда. Бу ҳақда “Ўзгидромет” хабар берди.
Маълум қилинишича, ҳаво ҳарорати кечалари 5-10 даража совуққача, кундуз кунлари 0-5 даража совуққача пасаяди. Шунингдек, шимолда кечалари 8-13 даража совуқ, кундуз кунлари 2-7 даража совуқ бўлади.
8 декабрь куни эса республиканинг баъзи жойларида қор ёғади. Шу куни айрим жойларда шамол тезлиги 13-18 метр/секундгача кучайиши мумкин.
Аввалроқ 6—7 декабрь кунлари қуруқ об-ҳаво сақланиб туриши, фақат республика шимолида шанба куни баъзи жойларда бир оз қор ёғиши мумкинлиги ҳақида хабар берилганди. Баъзи жойларга туман тушиши кутилмоқда.
