17 май куни соат 10:00 ларда Сурхондарё вилоятининг Термиз шаҳрида жойлашган 6-умумтаълим мактабида ёнғин содир бўлди. Бу ҳақда ФВВ матбуот хизмати хабар берди.
Маълум қилинишича, ҳодиса жойига Термиз шаҳар Фавқулодда вазиятлар бўлимининг 6 та ёнғин-қутқарув гуруҳи соат 10:05 да етиб борган. Соат 10:15 да ёнғин қуршаб олинган ва соат 10:40 да тўлиқ бартараф этилган.
Ёнғин натижасида бино 2-қаватининг тахминан 120 квадрат метр майдони ички ва том қисми ёниб зарарланган.
«Ҳозирда ёнғиннинг келиб чиқиш сабаби ва зарар миқдори аниқланмоқда. Ёнғин оқибатида тан жароҳат олганлар йўқ», — дейилади хабарда.
Аввалроқ Тошкентдаги Ботаника боғи ҳудудида ёнғин келиб чиққани, Юнусободда қиздирилган ёғ сабаб 4-қаватдаги уй ёниб кетгани, Хоразмдаги деҳқон бозорида ёнғин содир бўлгани тўғрисида хабар берилганди. Мавзуга доир:
