Rossiyada qiyin ahvolda qolgan o‘zbekistonlik vatanga qaytarildi

Rossiyada qiyin ahvolda ahvolda qolgan o‘zbekistonlik vatanga qaytarildi, deb xabar bermoqda Tashqi mehnat migratsiyasi agentligi.

Ma’lum qilinishicha, Tashqi mehnat migratsiyasi agentligining Rossiyadagi vakillari hududlardagi turli korxonalarda bo‘lib, ish beruvchilar va mehnat migrantlari bilan uchrashuvlar o‘tkazdi. Xususan, Sankt-Peterburgdagi “Viborjes”, “Personal partner”, “GK Trud”, “Barakat”, Krasnodardagi “Yug-Master”, “Stroy i Tochka”, “Leviy Bereg”, Voronejdagi “Izumrudniy”, “Ekostroy”, Kalugadagi “Meros” va Ryazandagi korxonalarda ishlayotgan yurtdoshlar va ularning ish beruvchilari bilan uchrashuvlar tashkil etildi.

Uchrashuvlarda xorijiy ishchi kuchiga ehtiyoji mavjud korxonalarga tashkiliy tarzda O‘zbekiston fuqarolarini ishga jalb qilish imkoniyatlari to‘g‘risida fikr almashildi. Mehnat migrantlari bilan uchrashuvda O‘zbekistonda migratsiya sohasida qabul qilinayotgan yangi qaror va qonunchilik normalari, chet elda mehnat qilish uchun yaratilayotgan sharoit va qulayliklar to‘g‘risida ma’lumotlar berildi. Ularning yashash va ish sharoitlari o‘rganildi.

Novosibirsk va Kalugada ishlayotgan yurtdoshlarning hujjatlari ish beruvchidan olib berildi. Voronej hamda Volgogradda ishlayotgan fuqarolarga huquqiy yordam ko‘rsatildi.

Sankt-Peterburg, Krasnoyarskda qiyin ahvolda qolgan o‘zbekistonlik Sankt-Peterburg—Farg‘ona, Krasnoyarsk—Namangan aviareyslari orqali O‘zbekistonga qaytarildi.