O‘zbekiston Milliy banki Android smartfoningizni himoyalangan raqamli hamyonga aylantiruvchi Swoo Pay ilovasini ishga tushirdi. Endi kartalarni olib yurish shart emas: smartfonni bir marta bosish orqali, hattoki internetsiz ham to‘lov qilish mumkin.
NBUning Mastercard kartalari egalari Swoo Pay xalqaro xizmatidan foydalanish imkoniyatiga ega bo‘ldi. Ilova NFCli har qanday zamonaviy Android smartfonlarda ishlaydi - to‘lovni amalga oshirish uchun ekranni yoqish va qurilmani terminalga yaqinlashtirish kifoya. Ayni paytda Internetga ulanmagan bo‘lsangiz ham, tranzaksiya darhol amalga oshiriladi. Swoo Pay orqali to‘lov kontaktsiz to‘lovlar mavjud bo‘lgan barcha joylarda ishlaydi: do‘konlar, restoranlar, transport va boshqa xizmat ko‘rsatish nuqtalarida.
Xizmat 20 dan ortiq tillarda, jumladan, o‘zbek, rus va ingliz tillarida mavjud.
“O‘zbekiston Milliy banki doimiy ravishda mijozlarimiz uchun qulaylik va xavfsizlikni ta’minlagan holda ilg‘or moliyaviy texnologiyalarni joriy etishga intiladi. Swoo Payning ishga tushirilishi bank sektorini raqamlashtirishda muhim qadam bo‘lib, foydalanuvchilarga to‘lovlarni tez va ishonchli amalga oshirish imkonini beradi", dеydi Chakana blok boshqaruv dirеktori I.I. Mamajonov.
Swoo Pay ilg‘or ma’lumotlarni himoya qilish texnologiyalaridan foydalanadi. Ilova PCI DSS, EMVco va Mastercard xalqaro standartlari asosida sertifikatlangan. Karta ma’lumotlari sotuvchilarga berilmaydi, ularning o‘rniga raqamli kod — tokenlar qo‘llaniladi. Bu karta ma’lumotlarini o‘g‘irlash xavfini bartaraf etadi va har bir tranzaksiyani yuqori darajada himoyalaydi. Barcha to‘lovlar shifrlangan kanallar orqali amalga oshiriladi, tizim esa muntazam ravishda xalqaro xavfsizlik standartlariga muvofiqligi bo‘yicha tekshiruvdan o‘tadi
"Swoo Pay’ning ishga tushirilishi O‘zbekistondagi Mastercard karta egalari uchun yangi imkoniyatlarni ochadi. Endilikda foydalanuvchilar Mastercard raqamli xizmatlarni yoqish tizimi (MDES - Mastercard Digital Enablement Service) orqali O‘zbekistonda va chet ellarda smartfon bilan to‘lovlarni amalga oshirishlari mumkin. Bu nafaqat kundalik to‘lovlarni qulaylashtiradi, balki ularning xavfsizligini sezilarli darajada oshiradi. Mastercard raqamli to‘lov vositalari eng ilg‘or qulaylik va himoya standartlariga mos kelishi uchun doimiy ravishda ish olib bormoqda", dedi Mastercardning O‘zbekistondagi bosh direktori Denis Filippov.
"Biz Swoo Pay O‘zbekistondagi birinchi to‘liq funksiyali to‘lov to‘lov tizimi bo‘lganidan faxrlanamiz. Mamlakatning eng yirik banki bilan hamkorlikda va Mastercard ko‘magida raqamli to‘lovlarni yurtimiz aholisi uchun yanada qulayroq va foydaliroq qilish yo‘lida barcha imkoniyatlarimizni safarbar etamiz. Tokenlashtirish asosidagi to‘lovlarning joriy etilishi O‘zbekiston fintech ekotizimini rivojlantirishda muhim qadam hisoblanadi va biz bu sohada peshqadam bo‘lishdan mamnunmiz", deya ta’kidladi Swoo kompaniyasi bosh direktori Kirill Gorinya.
Foydalanuvchilar Swoo’ga nafaqat bank kartalarini, balki sodiqlik kartalari va muhim hujjatlarni ham qo‘shishlari mumkin. Bu nafaqat barcha kerakli narsalarni bitta ilovada xavfsiz saqlash, balki har bir xaridlarni yanada qulay va foydali qilish imkonini beradi”
Swoo ilovasini Google Play yoki Huawei AppGallery’dan yuklab olishingiz mumkin. Ilovadan Yevropa, Osiyo, Afrika va Lotin Amerikasidagi yuz minglab kishilar foydalanmoqda.
O‘zbekiston Milliy bankining Mastercard kartalariga Milliy mobil ilovasi orqali yoki bank bo‘limlarida buyurtma berish mumkin.
Sayt: www.swooapp.com
Reklama huquqi asosida.
Izoh (0)