Angliya Premyer Ligasi boshlandi. 1-tur doirasidagi ilk bahsda “Liverpul” jamoasi “Bornmut”ga qarshi maydonga tushib, 4:2 hisobida g‘alaba qozondi.
O‘yin keskin kurashlar ostida boshlandi. Har ikki jamoa navbatma-navbat xavfli hujumlar uyushtirdi. Uchrashuvdagi hisob 37-daqiqada “Liverpul”ning yangi futbolchisi Ugo Ekitike tomonidan ochildi. Ikkinchi bo‘limning 49-daqiqasida Kodi Gakpo hisobni 2:0 ko‘rinishiga keltirdi.
64 va 76-daqiqalarda “Bornmut” ikki marta raqib darvozasini ishg‘ol qilib, hisobni tenglashtirishga muvaffaq bo‘ldi. Har ikki golga Antuan Semenyo mualliflik qildi.
O‘yin yakuniga yaqin “Liverpul” yana ikkita gol urdi. Avvaliga Federiko Kyeza hisobni 3:2 ko‘rinishiga keltirgan bo‘lsa, 90+4-daqiqada Muhammad Saloh jamoasining to‘rtinchi golni kiritib, o‘yinga nuqta qo‘ydi.
Angliya Premyer Ligasi
1-tur
15-avgust, juma
“Liverpul” — “Bornmut” 4:2
Gollar: 1:0 — Ekitike (37), 2:0 — Gakpo (49), 2:1 — Semenyo 64), 2:2 — Semenyo (76), 3:2 — Kyeza (88), 4:2 — Saloh (90+4).
Izoh (0)