Fransiya janubi-sharqidagi hayvonot bog‘ida chaqmoq urishi natijasida 13 kishi jarohatlanib, bir ayol og‘ir ahvolda kasalxonaga yotqizildi. Bu haqda Parisien gazetasi xabar bermoqda.
Voqea mamlakat janubidagi Salon-de-Provans shahri yaqinidagi Barben hayvonot bog‘ida mahalliy vaqt bilan soat 15:00 atrofida yuz bergan.
Ta’kidlanishicha, chaqmoq “tekis ochiq hududga” tushgan. Zarba natijasida yong‘in kelib chiqqan.
Bush-dyu-Ron departamenti yong‘in-qutqaruv xizmatining ma’lum qilishicha, voqea joyiga 46 nafar mutaxassis yetib borgan va ular 15 kishini o‘z nazoratiga olgan. Biroq, gazetaning yozishicha, ularning ikkitasi hodisa oqibatida jarohatlanmagan.
Ma’lumotlarga ko‘ra, chaqmoq ikki kishiga ta’sir qilgan. Germaniya fuqarosi og‘ir ahvolda kasalxonaga yotqizilgan. Yana 12 kishi, jumladan to‘rt nafar bola ham kasalxonaga yotqizilgan. Hayvonot bog‘ining hayvonlari va infratuzilmasiga zarar yetmagan.
Fransiya ob-havo xizmati bir qator departamentlarda momaqaldiroq tufayli ob-havo xavfining sariq darajasini e’lon qilgan.
Hindistonning sharqiy Bixar shtatida 9-aprel kuni yashin urishi oqibatida 22 kishi halok bo‘ldi.
Izoh (0)